Hjalti Gunn

Hjólað og hjólað

hjalti — Sat, 16 Sep 2006 19:15:07 +0000

þetta er hún Bína Hrönn Hjaltadóttir. Og hún fór út að hjóla með föður sínum um daginn. Þau voru ein heima á laugardegi og datt í hug að fara út að hjóla. En þegar við vorum komin af stað þá vildi Bína litla hvíla sig aftur og aftur. En pabbi hennar var svolítið þreyttur á því að vera alltaf að stoppa. Þá var hjólað yfir götu og Bína sem er ekki nema 4 ára var lengi að fara yfir götuna .Og svo voru það allir róluvellirnir sem hún vildi stoppa á . Þá var pabbi orðin virkilega þreyttur og svolítið pirraður. Þá sagði Bína ” Ég elska þig samt þó þú sért alltaf að skamma mig pabbi ” . Og þá fattaði pabbi hennar Bínu allt í einu að þegar maður fer út að hjóla með 4 ára dóttur sinni þá má maður ekki vera með einhver fyrirfram gefin hjólreiðatúr heldur bara að leyfa deginum að líða eins og hann vill, sæll og glaður með það sem hjólreiðatúrinn hefur upp á að bjóða . Því það eru ekki allir sem eiga svona fallega 4 ára stelpu sem elskar mann þó að maður sé pirraður……..Það held ég nú…….

Hnjúkarnir hans Kára skoðaðir.

hjalti — Tue, 12 Sep 2006 23:13:36 +0000

Já það er rétt ,gott væri að allir kynntu sér Kárahnjúka af eigin raun. Og það gerði frú Kolbrún um síðustu helgi. Þar var hún í góðum félagsskap eins og endranær. María sú sem Svanur á og Signý sú sem Sigurður á , Steina sem hann Diddi á, Systa sem hann Óskar á og Ágústa sem hann Bjarni á ásamt mökum . Sjálfur komst ég ekki vegna vinnu en Kolla tók videó í ferðini . Það er skemst frá því að segja að myndatakan var svolítið erfið vegna veðurs, en sérstaklega kaflin þar sem annar aðili aðstoðaði við upptöku . Sá kafli var eins og skelfilegur dagur á Herjólfi .Gubbubragðið komið upp í hálsinn og sjóveiki í algleymingi. En á myndunum sá ég ekkert sem ekki mátti fara undir vatn mín vegna. Hinsvegar hef ég meiri áhyggjur af arðsemi þessa verkefnis þar sem mönnum greinir mjög á um hana , en enginn hrópar húrra. Myndina tók systir María en hjálmurin fauk af henni þarna uppfrá og mesta mildi að fólkið fauk ekki sjálft. Ekki meira um það….

Rólegur Laugardagur

hjalti — Mon, 11 Sep 2006 20:38:43 +0000

Já ég sit hérna heima eldsnemma á laugardagsmorgni og langar aðeins að árétta tilgang þessarar síðu. Mig hefur vantað einhvern stað til að geima upplýsingar um tónlist mína. Stað þar sem ég get geimt texta og laga lista , ásamt öðrum upplýsingum. Mér var bent á að opna heimasíðu , en fannst það vera fyrir meiri hetjur en mig, en bloggsíða fannst mér mátuleg. Og nú er komin smá pistill inn á síðuna. Ef fólk smellir á nafnið mitt efst á síðuni þá er þar lítið eitt sem var sett sama fyrir nokkrum árum síðan og átt að fara í einhverja tónlistarmannabók , sem reyndar fór á hausinn. Svo bætum við bara við þær upplýsingar seinna. Ég er búin að slá einhverja 17 texta in í word skjal og mun fljótlega setja þá inn ásamt upplýsingum um hvar sé hægt að fynna lagið þá er maður komin af stað. Og svo fer bull og vitleysa með ásamt mis mikilli speki spekingsins. Meira síðar…HG

Landsleikur Framundan

hjalti — Wed, 06 Sep 2006 14:17:06 +0000

Vinur minn sagði mér að hann hefði heyrt raddir í nótt. Og raddirnar hefðu sagt við hann “ef konunni þinni finnst mikilvægara að þú setjir í þvottavél en að þú njótir ásta með henni, þá er mjög líklegt að þú sért jafn góður og þvottavél í rúminu”. Og ég sem er nýbúin að læra á þvottavélina. Ég ráðlagði honum að sofa með byssu undir koddanum og skjóta röddina ef hún kæmi aftur, og ekki orð um það meir. En að máli málanna. Það er landsleikur framundan, og hvað er nauðsynlegt að hafa þá við hendina? Jú auðvitað hamborgara og kók. Myndin er einmitt tekin af síðasta hamborgara sem hinn verðandi sjónvarpskokkur Danni Hjalta útbjó fyrir aldraðan föður sinn. Blessað barnalán er þetta nú. Ég spái 2-1 fyrir Ísland en óttast að það verði á hinn veginn. Þ.e. að Danirnir vinni 2-1. En í öllu falli horfum við á allan leikinn, full af bjartsýni og þá er aldrei að vita. Og ef þeir tapa illa þá eru þeir samt áfram og að eilífu strákarnir okkar, muna það..

Kveðja Hjalti G.

Heimsóknin mikla.

hjalti — Thu, 31 Aug 2006 23:12:45 +0000

Tll mín í gærkveldi kom við annan mann hinn forboðni ávöxstur Víkinga , sjálfur Danni Hjalta http://www.keepitghetto.wordpress.com sem sumir óttast en aðrir dá . Með honum í för var hinn alræmdi Jóel Hjalta http://www.joelhjalta.blogspot.com sem segir alltaf ,,
“I am Jóel, THE DIVORCE FORCE!!! Innocents stand no chance before my furious power! HAHAHAHAHA! Whatch out……bitches…”

En þessir hressu ungu menn komu í þeim tilgangi

að gefa konunni frí við eldamenskuna þetta kveldið,

og grilluðu hamborgara að hætti Atla Eðvaldssonar, I shit you not . Í leiðinni lagaði Danni fartölvu mína með eindæma faglegu augnaráði . Eða var það net tenginguna mína , nema hvortveggja sé . Og kann ég þeim báðum mínar bestu þakkir hvaðan þeir fengu sín ægifögru eftirnöfn , þá var það hjá föður sínum eins og flestir gera hér á landi . Og hann er stoltur af þeim eins og öðrum börnum sínum , amen og halalúja fyrir því…

Spekingurinn sagði

hjalti — Mon, 21 Aug 2006 22:55:42 +0000

Er ekki stundum eins og það sé hvíslað í eyrað á þér einhverju sem þér finnst vera mikil speki og alger sannindi sem enginn megi missa af. Stundum er það kannski algert bull ,en í annan stað lífbreytandi megasannindi. Ég heyrði t.d.þá kenningu að allar mannverur í heimi þessum væru klikkaðar. Já allar hver og ein einasta . Og ég hugsaði nei ekki allir mar .Ekki t.d. hann hérna…..eða hún þarna…..og mér til mikillar undrunar man ég engin nöfn allt í einu. Skrítið. og svo þegar ég heyrði að fólk skiftist bara í tvo hópa , þ.e þeir sem væru búnir að átta sig á þessu og svo hinir sem ættu það eftir..

Víkingsleikur

hjalti — Sun, 20 Aug 2006 23:21:47 +0000

Nei hann var ekki fallegur þessi leikur, en alltaf gaman að fara á laugardalsvöllinn. Þar voru Valsarar að verja heimavöllinn, en höfðu jafntefli upp úr krafsinu. Það voru sanngjörn úrslit að mínu mati. En fyrir farman mig í stúkunni sat heiðursmaðurinn Guðni Bergs, og var ósammála mér í dómaramálum allan leikinn. Hann sendi mér meira að segja illt auga eitt sinn, en ég slapp ómeiddur heim. Daníel minn stóð sig vel þann litla tíma sem hann kom inná. Ekkert meira um það að segja.

Áfram Víkingur…Hjalti G

Ég sjálfur.

hjalti — Sun, 20 Aug 2006 12:41:15 +0000

Það sást ef til vill á því sem skrifað var í gær ,að sonur minn Daníel var að kenna mér á bloggið , og skrifaði fyrir mig það sem þar er ,utan síðustu setninguna sem var á engilsaxnensku ,en hún kom frá honum sjálfum.En mér finnst rétt að byrja á því að kynna mig. Ég heiti Hjalti Gunnlaugsson og er að mati sumra fyrst og síðast tónlistarmaður .Því til sönnunar á ég um það bil 30 ti 40 lög útgefin á grammafónplötum ,(en fyrir yngri kynslóðina þá voru það einkennilegir svartir stórir gripir í laginu eins og matar diskar úr sparí stellinu hennar Ástu ömmu .sem voru notaðir á tímum svarthvíta sjónvarpsins, til að hlusta á tónlist )og geisla diskum .Ég naut þeirrar ánæju að vera giftur Helgu Bolladóttur í 20 ár , en einhver sagði um daginn að hún hefði fengið 20 ára dóm , 5 árum styttri en Mandela en liti samt mikklu betrur út en hann. Með henni á ég ( já á ég,,,ekki átti ég ) Þrjá yndislega syni Daníel. Símon,og Jóel, sem eru þyngdar sinnar virði í gulli. Svo var það fyrir 6 árum að mér tókst að fanga Kolbrúnu Ingimarsdóttur , og á með henni eina dóttur ,hana Bínu Hrönn ,sólageislan okkar allra Ég vil taka það fram að það verður enginn laga og textahöfundur án þolinmæði og stuðnings maka síns , og þann stuðning og þolinmæði hef ég fengið hjá báðum mínum konum , og vil nota þetta tækifæri til að þakka fyrir mig .En áður en þetta blogg verður eins og mynningagrein , þá er best að hætta. Enda nog um mig talað .Ég vil að lokum segja þetta . Mér finnst blogg vera eins og ókeypis sálfræðingur .maður talar og talar og talar og sáli þegir og rukkar.nema í blogginu eru eins margir sálar og skoða síðuna. en allir ókeypis. Að lokum þetta. Ég fékk 5.1 í stafsetningu á landsprófi , en stefni hærra…en bara einn dag í einu..

kveðja Hjalti G

Þá er komið að því

hjalti — Sat, 19 Aug 2006 17:02:44 +0000

Loksins kominn með tölvu og hægt að fara að blogga. Þetta er nóg í bili. Things to see and people to do!!

Jæja þá…..

hjalti — Thu, 16 Mar 2006 12:07:03 +0000

Góðir hlutir gerast hægt,en örugglega. Það er meininginn að prufa sig áfram hérna á þessari bloggsíðu, en þegar fram líða stundir mun hún innihalda hugrenninar mínar um ,tónlist og aðra skylda hluti . Mig langar til að koma fyrir lögum mínum og textum ,ásamt því að segja frá tilurð þeirra. Einnig þætt mér gaman að segja ykkur eina og eina sögu ,svona upp á grín. Sumar sannar og aðrar kannski ekkert svo sannar.En það er eitt sem ég vil vara ykkur við strax í upphafi. Ég fékk ekkert sérlega góða einkun í íslensku í skóla, og hef lítið skánað með árunum. þannig að ef þið eruð með fullkomnunaráráttu þá er þetta ekki síðan til að lesa…meira seinna…. Hjalti

*Hjalti Gunn*